«Учора наша каманда ў рамках праекта „Маскітны флот перамогі. Поўнач“ знайшла патанулы аб’ект у Баранцавым моры, а сёння правяла апусканне, відэаздымку і ідэнтыфікацыю. Невядомым суднам аказаўся ваенны транспарт UTLANDSHÖRN, які стаў першай перамогай савецкіх катараў у бітве за Запаляр’е», — гаворыцца ў паведамленні.

У пачатку Другой сусветнай вайны судна было ўзята ў арэнду нямецкім флотам для перавозкі ваенных грузаў і забяспечвала нямецкія войскі ў Запаляр’і, здзяйсняючы рэйсы ў парты Кіркенеса і Ліінахамары. У апошні рэйс «Утландсхерн» выйшаў 16 сакавіка 1942 года, на выхадзе з фіёрда судна падарвалася на савецкай міне, на борце загінулі 19 маракоў і ваенных пасажыраў, 36 чалавек былі выратаваны нямецкімі караблямі. 

Удакладняецца, што разведвальна-вадалазнай камандзе ўдалося ідэнтыфікаваць судна дзякуючы знойдзенаму звану, на якім відаць яго першае імя — Cartagena. Работа працягваецца, неабходна агледзець падводныя здымкі і папрацаваць з архівамі для стварэння дакументальнага фільма.