У службу МНС сёння ў 5.07 паступіла паведамленне аб пажары ў жылым доме на вуліцы Ураджайнай у Бабруйску. Да моманту прыбыцця на месца выкліку падраздзяленняў МНС дом гарэў адкрытым полымем.

На падлозе ў верандзе ратавальнікі выявілі гаспадыню дома 1946 года нараджэння без прыкмет жыцця. Яе 83-гадовы муж самастойна эвакуіраваўся з палаючага дома да прыбыцця падраздзяленняў МНС. Пенсіянера шпіталізавалі. 

Агонь практычна спапяліў жыллё: знішчаны дах, перакрыцці і маёмасць у доме.

Спецыялісты высвятляюць прычыну таго, што адбылося.