Пасажырскі самалёт AZAL (Azerbaijan Airlines) упаў у Казахстане з-за «фізічнага і тэхнічнага знешняга ўздзеяння». Такую верагодную прычыну крушэння назвала сама авіякампанія.
У прэс-службе паведамілі, што авіяцыйныя ўлады Азербайджана вырашылі прыпыніць рэйсы ўсіх перавозчыкаў з Баку ў 10 гарадоў Расіі. Гэтыя меры заснаваны на папярэдніх выніках расследавання аварыі борта Embraer 190 у Актау.
«Пасажыры рэйсаў AZAL з названых гарадоў Расіі, якія не маюць магчымасці скарыстацца паслугамі авіякампаніі ў сувязі з сітуацыяй, якая склалася, могуць атрымаць поўнае вяртанне сродкаў без штрафных санкцый або перабраніраваць білеты», — заявілі ў кампаніі.
Раней Azerbaijan Airlines прыпыніла рэйсы ў 10 расійскіх гарадоў.
