Работы па выдаленні фрагментаў мазуту, паднятых са дна прыбярэжнай часткі мора моцным штормам вядуцца ў Анапе. Пра гэта паведамляе ТАСС са спасылкай на заяву оперштаба Краснадарскага краю. Расказала БелТА.
«У Анапе прыбіраюць старыя выкіды мазуту, якія падняло са дна прыбярэжнай часткі мора моцным штормам», — гаворыцца ў паведамленні.
Забруджванні выявілі ў ходзе планавага штодзённага агляду берагавой лініі на трох адрэзках - ад цэнтральнага пляжу Анапы да пляжу «Тортуга» ў сяле Віцязева.
На гэтых тэрыторыях вядуцца работы па ачыстцы. У іх задзейнічаны супрацоўнікі ГУ МНС Расіі па Краснадарскім краі, спецыялісты службы «Кубань-СПАС», прадстаўнікі адміністрацыі горада і мясцовыя жыхары.
