Папярэдне вядома, што ўзгаранне ўзнікла каля гадзіны ночы, агонь хутка ахапіў увесь храм. Прычыны пажару пакуль не ўстаноўлены. Захоўваецца рызыка разбурэння будынка.

Прадстаўнікі экстранных службаў ачапілі ўсе вуліцы вакол храма. З-за небяспекі распаўсюджвання агню на суседнія дамы некалькі дзясяткаў іх жыхароў былі эвакуіраваны.

Паводле даных крыніцы, помнік архітэктуры не падлягае аднаўленню.

Неагатычная царква Вондэлкерк была ўзведзена ў 1872-80 гадах па праекце архітэктара П’ера Кейперса. Будынак лічыцца аб’ектам нацыянальнай культурнай спадчыны Нідэрландаў. Апошнія гады царква не выкарыстоўвалася па прызначэнні, функцыянавала як культурная прастора, дзе праходзілі выставы, канцэрты і грамадскія мерапрыемствы.