Прэм’ер-міністр Аляксандр Турчын 12 лютага наведаў адзін з палігонаў ВПС і войскаў СПА. Пра гэта паведамілі БелТА ў прэс-службе ўрада.
Разам з Прэм’ер-міністрам на палігоне працавалі міністр абароны генерал-лейтэнант Віктар Хрэнін і Дзяржаўны сакратар Савета Бяспекі генерал-лейтэнант Аляксандр Вальфовіч. Ім прадэманстравалі работу ўзораў узбраення па супрацьдзеянні беспілотным лятальным апаратам.
На палігоне прадстаўлены перспектыўныя распрацоўкі айчыннага і расійскага ваенна-прамысловага комплексу.
Удзельнікі мерапрыемства агледзелі беспілотныя лятальныя апараты, збітыя падчас практычных выпрабаванняў.
