Чаму гэта важна?
Татарстан — адзін з важных эканамічных партнёраў Беларусі сярод расійскіх рэгіёнаў, паколькі займае 9-е месца па тавараабароце і 8-е месца па аб’ёмах экспарту, растлумачылі ў прэс-службе Саўміна.
Тут дадалі, што ў ліку асноўных мерапрыемстваў візіту — перагаворы Прэм’ер-міністра Беларусі з кіраўніком Татарстана Рустамам Мініханавым, падпісанне двухбаковых дакументаў і наведванне ключавых прамысловых прадпрыемстваў Набярэжных Чалноў, Ніжнякамска і Елабугі, якія цікавяць беларускі бок.
Якіх менавіта? Сярод аб’ектаў значацца ТАА «ТПК МТЗ-Татарстан», дзе Прэм’ер-міністр азнаёміцца з вытворчасцю і возьме ўдзел ва ўрачыстай перадачы 19 газавых трактароў і 20 грузавікоў МАЗ. Аляксандр Турчын таксама пабывае на ПАО «КАМАЗ» з аглядам галоўнага зборачнага канвеера і навукова-тэхнічнага цэнтра, дзе ствараюць аўтаматычныя трансмісіі для аўтамабіляў КАМАЗ і «Aurus». Пабывае Прэм’ер-міністр і на АТ «Танека», дзе таксама пазнаёміцца з дзейнасцю цэнтральнай аператарскай прадпрыемства і выпускаемай ім прадукцыяй.
