«Ад таго, як працуе фінансавая сістэма, шмат у чым залежыць тое, як функцыянуе і дзяржава ў цэлым, і эканоміка ў прыватнасці», — падкрэсліў кіраўнік урада. Прэм’ер-міністр Аляксандр Турчын узяў удзел у пашыраным пасяджэнні калегіі Мінфіна, на якім былі разгледжаны вынікі выканання бюджэту за 2024 год і задачы фінансавых органаў на 2025 год.
Ацэньваючы вынікі 2024 года, кіраўнік урада адзначыў, што дзякуючы праведзенай сістэмнай рабоце ўдалося вырашыць найважнейшую задачу:
— Фінансавая сістэма краіны ўстойлівая і адпавядае макраэканамічнай сітуацыі, нават нягледзячы на няпростыя знешнія эканамічныя ўмовы.
Як падкрэсліў прэм’ер-міністр, ключавой задачай Мінфіна на 2025 год па-ранейшаму застаецца забеспячэнне збалансаванасці
бюджэту і сацыяльнай арыентаванасці бюджэтнай палітыкі.
— Мінфін павінен выступіць у ролі каардынатара фарміравання бюджэтна-падатковай і фінансава-эканамічнай палітыкі дзяржавы, стымулюючай дадатковыя паступленні ў бюджэт. Генерацыя дадатковых даходаў бюджэту павінна ажыццяўляцца як за кошт удасканалення падатковай сістэмы, так і за кошт стварэння ўмоў для развіцця малога і сярэдняга прадпрымальніцтва, стварэння новых аб’ектаў у сферах вытворчасці і аказання паслуг.
Сярод задач Мінфіна — кіраванне дзяржаўным доўгам і аптымізацыя падатковых ільгот. Таксама павышэнне эфектыўнасці бюджэтных расходаў застаецца найважнейшай задачай усяго дзяржаўнага апарату.
