У Швейцарыі сышоў з рэек пасажырскі цягнік, у выніку аварыі могуць быць пацярпелыя. Пра гэта паведамляе газета Daily Mail. Расказала БелТА.
«Адбылося крушэнне цягніка, верагодна, ёсць параненыя. Цяпер на месцы здарэння вядзецца выратавальная аперацыя», — паведамляе міліцыя.
У матэрыяле выдання гаворыцца, што ў цягніку, які сышоў з рэек недалёка ад Гапенштайна ў кантоне Вале, знаходзілася каля 80 чалавек. Аварыя магла адбыцца з-за сходу снежнай лавіны. Пасля інцыдэнту швейцарскія федэральныя чыгункі абвясцілі аб прыпыненні руху цягнікоў на гэтай лініі.
