Цягнік № 757 Гомель—Мінск адпраўленнем з Гомеля 12 студзеня ў 7.28 і прыбыццём у Мінск у 10.42 па тэхнічных прычынах ідзе з затрымкай арыенціровачна на гадзіну, паведамляе БелТА са спасылкай на БЧ.
У сувязі з гэтым цягнік № 6503 Жлобін—Асіповічы адпраўленнем са Жлобіна ў 8.29 і прыбыццём у Асіповічы ў 10.47 прыбудзе на канчатковую станцыю з затрымкай арыенціровачна да 40 хвілін.
Беларуская чыгунка прымае аператыўныя меры для скарачэння затрымкі дадзеных цягнікоў. Больш падрабязную інфармацыю можна атрымаць па тэлефоне 105 кантакт-цэнтра БЧ.
Беларуская чыгунка прыносіць прабачэнні пасажырам за прычыненыя нязручнасці.
