Аляксандр Хромчанка нагадаў, што машынамесца, калі яно не замацавана за канкрэтным аўтаўладальнікам, з пункту гледжання заканадаўства адносіцца да земляў агульнага карыстання. Таму неабгрунтавана выстаўляць таблічкі або па-іншаму пазначаць свае правы на гэту тэрыторыю толькі на падставе таго, што прыкладзены намаганні па прыборцы снегу. У выпадку, калі паступіць зварот па такіх спрэчных выпадках, «будзе адпаведнае рэагаванне з боку органаў».

Гаворачы аб цыклоне «Улі», Аляксандр Хромчанка звярнуў увагу, што многія аўтаўладальнікі прыслухаліся да заклікаў пакінуць аўтамабілі на паркоўках і скарыстацца грамадскім транспартам. «Усплёску дарожна-транспартных здарэнняў не адбылося. Прычым гэта датычыцца як ДТЗ з пацярпелымі, так і ДТЗ з матэрыяльнай шкодай. Больш за тое, не было ДТЗ, якія былі б наўпрост звязаныя менавіта з няякаснай работай службаў. Людзі адэкватна ацэньвалі стан праезнай часткі», — расказаў Аляксандр Хромчанка.

Шмат было зроблена, каб забяспечыць праезд, асабліва за горадам. Па даручэнні міністра ўнутраных спраў аб’яўляўся ўзмоцнены варыянт нясення службы для ўсіх супрацоўнікаў, выехалі на дарогі больш за 500 экіпажаў ДАІ. Яны пастаянна маніторылі сітуацыю і аказвалі садзейнічанне дарожным службам, падказваючы, куды ехаць у першую чаргу. «Вялікую дапамогу аказалі ваеннаслужачыя ўнутраных войскаў, якія далі сваю тэхніку, у асабліва цяжкіх выпадках, калі існавала рызыка блакіравання, вызвалялі дарогу, каб расчысціць праезную частку», — дадаў Аляксандр Хромчанка.

Афіцыйны прадстаўнік МНС Яўген Бараноўскі ў сваю чаргу падкрэсліў: тое, што людзі не адчулі НС, — заслуга ўсіх экстранных службаў. У тым ліку ролю адыграла своечасовае інфармаванне грамадскасці.

Скрыншот відэа тэлеканала СТБ