Так, можна. Такая магчымасць законам прадугледжана. Аднак важна разумець, што адмяніць згоду на здзяйсненне здзелкі ў натарыуса можна толькі ў выпадку, калі такая магчымасць пры яе пасведчанні была прадугледжана ў згодзе, паколькі згода можа быць аформлена як з правам яе адмены, так і без права яе адмены. Таксама неабходна ўлічваць, што згоду на здзяйсненне здзелкі можна адмяніць у натарыуса толькі ў выпадку, калі здзелка раней яшчэ не здзяйснялася.

Адмяніць згоду проста — для гэтага неабходна звярнуцца да любога натарыуса з дакументам, які сведчыць асобу, прадставіць сапраўдны экзэмпляр згоды, а ў выпадку яго адсутнасці паведаміць даныя, якія дазваляюць ідэнтыфікаваць згоду. Натарыус адменіць згоду, унясе даныя аб адмене ў электронную базу даных, што ў далейшым дазволіць прадухіліць здзяйсненне здзелкі з такой адмененай згодай.