«Сёння ў нашай сістэме працуюць дзве праграмы. Першая — мабільная праграма Фонду сацыяльнай абароны насельніцтва. Яна арыентавана на грамадзян, задзейнічаных у працоўных адносінах: тут можна адсочваць звесткі аб працоўнай дзейнасці, кантраляваць, ці своечасова і ў поўным аб’ёме інфармацыя паступае ў фонд, правяраць, ці афіцыйна аформіў работадаўца. Праз праграму можна бачыць, якія ўзносы паступаюць на пенсіённае і сацыяльнае страхаванне, кантраляваць фарміраванне пенсіённых правоў», — расказала Юлія Берднікава.

Таксама тут адлюстраваны пытанні прафесійнага пенсіённага страхавання — асобнага віду назапашвальнай пенсіі, якая можа быць датэрміновай або дадатковай. За чалавекам замацоўваюцца яго ўзносы, і ў далейшым выплачваецца пенсія па прафесійным пенсіённым страхаванні. «Можна бачыць суму назапашванняў, памер прызначанай пенсіі, рэшту на рахунку. Тут жа — інфармацыя па праграме „3 плюс 3“ (добраахвотнае назапашвальнае пенсіённае страхаванне)», — адзначыла намеснік міністра. 

Другая праграма створана для работы з дзяржаўнай службай занятасці — гэта пошук работы, доступ да банка вакансій. «Тым, хто на рынку працы, важна мець інфармацыю „ў кішэні“: дзе ёсць вакансіі, як размясціць рэзюмэ, паглядзець водгукі», — дадала Юлія Берднікава.

Аб’ядноўваць дадаткі ў адно пакуль не плануецца — яны паўнацэнна функцыянуюць самастойна, падкрэсліла намеснік міністра. «Наша перспектыўная задача — развіваць асабісты кабінет на партале сацыяльнай абароны, каб ён быў зручны для ўсіх: і для працуючых грамадзян, і для суіскальнікаў, і для атрымальнікаў сацыяльных выплат. У кабінеце можна будзе ўбачыць увесь пералік прызначаных выплат, іх памеры, рэжым атрымання сродкаў. Развіццё кабінета ўжо запланавана і будзе ў фокусе нашай увагі», — рэзюмавала яна.