«У гэты момант на базе РНПЦ разгортваецца цэнтр анарэксіі на функцыянальнай аснове, таму што патрэбнасць расце, колькасць пацыентак павялічваецца. І мы лічым, што трэба стварыць асобны цэнтр», — сказала Юлія Камінская.

Зараз лячэнне адбываецца на базе аднаго з аддзяленняў РНПЦ. Да спецыялістаў звяртаюцца пацыенты не толькі з нашай краіны, але і з блізкага замежжа, паколькі тут ім аказваецца комплексная дапамога ў лячэнні расстройстваў харчовых паводзін: анарэксіі, буліміі і кампульсіўнага пераядання.

Асноўны падыход у лячэнні — псіхатэрапеўтычны, з далейшым суправаджэннем пацыентак. Праходзіць псіхалагічная карэкцыя і сямейная псіхатэрапія. Таксама цэнтр супрацоўнічае з Беларускім саюзам жанчын. Напрыклад, зараз ідзе распрацоўка сацыяльнага праекта, у якім удзельнічаюць маці пацыентак, хворых на расстройствы харчовых паводзін.