Паводле звестак на 11.53 па мінскім часе 20 студзеня, цана серабра вырасла на 7,38 % і складала $95,07 за тройскую ўнцыю. Праз некалькі хвілін рост паскорыўся: да 11.58 адзнака дасягнула $95,29.

Раней у гэты ж дзень паведамлялася, што цана золата ўпершыню ў гісторыі перавысіла $4,7 тыс. за ўнцыю. 

Як адзначаюць эксперты, цэны на каштоўныя металы імкліва растуць, у прыватнасці, на фоне заяў прэзідэнта ЗША Дональда Трампа аб неабходнасці ўстанавіць кантроль над Грэнландыяй. Трэйдары асцерагаюцца, што ўзмацненне ціску з боку Вашынгтона справакуе маштабную гандлёвую вайну паміж ЗША і Еўропай.