Два факты выяўленыя пры кантролі грамадзян, якія прыбылі рэйсавымі аўтобусамі з Літвы. У першым выпадку здробненае рэчыва расліннага паходжання выяўлена ў курыльнай прыладзе 47-гадовага мужчыны. У другім — 20-гадовы пасажыр аўтобуса схаваў у сподняй бялізне кантэйнер з рэчывам зялёна-карычневага колеру.

Яшчэ адзін факт выяўлены пры мытным даглядзе асабістых рэчаў кіроўцы транспартнага сродку, які рухаўся па чырвоным калідоры пункта пропуску ў мэтах дэкларавання свайго транспартнага сродку. Грамадзянін Польшчы меў намер перамясціць рэчыва расліннага паходжання ў самакрутцы.

Заключэнні экспертаў ДКСЭ пацвердзілі, што ўсе канфіскаваныя рэчывы з’яўляюцца марыхуанай.

Гродзенскай рэгіянальнай мытняй распачатыя крымінальныя справы ў адпаведнасці з ч. 1 арт. 328-1 КК. Санкцыя артыкула прадугледжвае пакаранне аж да сямі гадоў пазбаўлення волі.