Як паведамляецца, пошліны ўступяць у сілу з 7 жніўня. Найбольш высокія пошліны будуць уведзены для такіх краін, як Сірыя (41%), Лаос (40%), М’янма (40%), Швейцарыя (39%), Ірак (35%) і Сербія (35%). У спісе таксама асобна пазначаны Фалклендскія астравы — у дачыненні да іх пошліны будуць складаць 10%, пошліны ў 20% прызначаныя для Тайваня.

Як адзначаецца ва ўказе, у дачыненні да краін, якія адсутнічаюць у пераліку, будзе дзейнічаць «базавая пошліна» памерам у 10%.

Разам з гэтым асобным указам Трамп павысіў пошліны ў дачыненні да Канады з 25% да 35%, якія былі ўведзеныя за недастатковыя меры па барацьбе з кантрабандай фентанілу ў ЗША.