Праграма — частка праекта «Музычная гасцёўня». Назва праграмы адсылае да азначэння Neue Musik, якое ўвёў нямецкі музычны крытык Паўль Бекер у 1919 годзе для апісання новых плыняў у акадэмічнай музыцы XX стагоддзя. Музыка атрымала азначэнне «новай», паколькі цалкам пераасэнсоўвала традыцыю ў галіне формы і выразнасці, пашырала арсенал музычных сродкаў, шукала новую гармонію, мелодыку, рытміку і аркестроўку.

Адным з найбольш яркіх кірункаў «новай музыкі» стаў жанр мінімалізму. У выкананні Таццяны Старчанкі і іншых музыкантаў прагучыць музыка аднаго з піянераў музычнага мінімалізму Майкла Наймана — сюіта «Піяніна» з аднайменнага фільма 1993 года, «Прамежак часу» і легендарны «Дзённік Ганны Франк» з аднайменнага японскага анімацыйнага фільма 1995 года.

Прадоўжыць праграму музыка Філіпа Гласа. Прагучаць дзіўна розныя і мудрагелістыя эцюды, якія апавядаюць пра шлях аўтара да поспеху і яго велізарную любоў да свайго інструмента, элегантны квінтэт для фартэпіяна, дуэта скрыпак, альта і віяланчэлі, а чароўнае гучанне «Напісана на нябёсах» Макса Рыхтэра стане выдатнай прэлюдыяй да твора Арво Пярта і музыкі Леаніда Дзясятнікава.