Ёю было адзначана, што пасяджэнні Рэспубліканскага штаба будуць праводзіць не радзей разу ў квартал. Адказныя выканаўцы сфармавалі рабочыя групы па кантролі за рэалізацыяй мерапрыемстваў плана на абласным узроўні і галіновых рэгіянальных планаў. Да выканання іх ужо прыступілі. Так, для падрыхтоўкі да вясновых работ па азеляненні тэрыторый спецыялісты правялі аналіз магутнасцяў па вырошчванні пасадачнага матэрыялу, які паказаў, што ўсе вобласці і сталіца ў 2025 годзе забяспечаны неабходнай яго колькасцю.

Рамонты выконваць трэба комплексна

У Дзяржаўнай праграме «Камфортнае жыллё і спрыяльнае асяроддзе» добраўпарадкаванні асветлена асобная падпраграма. Мэтай падпраграмы з’яўляецца павышэнне ўзроўню добраўпарадкаванасці тэрыторыі населеных пунктаў у якасці рамонту і рэканструкцыі прыдамавых тэрыторый шматкватэрных жылых дамоў штогод па 2 % ад агульнай колькасці ўсёй плошчы, адзначыла намеснік начальніка ўпраўлення жыллёвай гаспадаркі Міністэрства жыллёва-камунальнай гаспадаркі Надзея Сеўрук.

Па выніках мінулага года выкананы рамонт 1 792 прыдамавых тэрыторый шматкватэрных жылых дамоў (111,6 % ад плана). Селета ў нашай краіне запланаваны рамонт з рэканструкцыямі ўжо 1 800 дваровых тэрыторый. Асноўны акцэнт гэтых работ робіцца на комплекснасць пры аднаўленні добраўпарадкавання. У рамках такіх комплексных работ на прыдамавых тэрыторыях выконваецца рамонт праездаў, пешаходных сувязяў, замена спартыўнага і гульнявога дзіцячага абсталявання, малых архітэктурных формаў і іншыя.

Увесну таксама актыўна вядуцца работы па добраўпарадкаванні месцаў масавага адпачынку насельніцтва ў парках, гарадскіх лясах, лесапарках, на пляжах, веладарожках і іншых аб’ектах адпачынку і турызму. 

Ручаі, азёры і крыніцы

Рэспубліканскі план мерапрыемстваў па навядзенні парадку на зямлі, у тым ліку, уключае санітарную ачыстку вадаёмаў і вадацёкаў ад цвёрдых адходаў і іншародных элементаў, адзначыла начальнік аддзела выкарыстання водных рэсурсаў Мінпрыроды Вікторыя Воранава. Ужо зараз санітарнай ачысткай ахоплены 50 рэк і ручаёў, а таксама 70 азёр.

У першым квартале гэтага года падобныя работы запланавана выканаць у Віцебску на рацэ Лучоса і вадаёме ў парку 1000-годдзя Віцебска. Усяго на тэрыторыі нашай краіны на водных аб’ектах зацверджана 488 зон адпачынку, у дачыненні да якіх штогод (з 1 па 31 мая) камісіямі праводзіцца іх агляд з мэтай прыёмкі гатоўнасці да летняга сезона. 

У нашай краіне зарэгістравана 1183 значныя крыніцы, з якіх 815 уладкаваны. У прыродным стане знаходзяцца 368 крыніц, з іх 104 размешчаны ў цяжкадаступных месцах. Сёлета запланавана навесці парадак на 21 крыніцы краіны.

Начальнік аддзела таксама заўважыла, што ў чэрвені запланавана міжнародная беларуска-расійская акцыя па ачыстцы трансгранічных водных аб’ектаў «Беражом галоўнае», дзе кожны жадаючы можа прыняць у ёй удзел.