«За гэтымі лічбамі - штодзённая праца многіх калектываў, прадпрыемстваў, арганізацый, канкрэтных людзей», — сказаў Ігар Сергяенка.

У прыватнасці, рост ВУП за пяцігодку прагназуецца на ўзроўні 15,8%. На наступныя пяць гадоў запланаваны рост экспарту тавараў і паслуг на 19,5%. Рост рэальных наяўных даходаў насельніцтва прагназуецца на ўзроўні 21%.

«Праграма сацыяльна-эканамічнага развіцця на наступную пяцігодку старанна прапрацавана. Падыходы былі вызначаны, узгоднены з кіраўніком дзяржавы, разгледжаны на Прэзідыуме Савета Міністраў, — сказаў Ігар Сергяенка. — Затым была створана рабочая група, у якую ўвайшлі ў тым ліку дэпутаты Палаты прадстаўнікоў». Некаторыя прапановы дэпутатаў знайшлі адлюстраванне ў праграме.

Старшыня Палаты прадстаўнікоў нагадаў, што праект праграмы быў абмеркаваны дэлегацыямі абласцей, у Палаце прадстаўнікоў, Савеце Рэспублікі. Вызначаныя прыярытэты (устаноўлена сем асноўных прыярытэтаў) узаемазвязаны і ўзаемадапаўняюць адзін аднаго.

Гаворачы пра такі прыярытэт, як моцныя рэгіёны, Ігар Сергяенка адзначыў, што будзе прадоўжана праграма «Адзін раён — адзін праект». Шмат увагі нададзена развіццю сеткі дарог, сацыяльнай сферы — ахове здароўя, адукацыі. Усё гэта знаходзіць адлюстраванне ў канкрэтных рэгіянальных праграмах, няхай гэта будзе праграма развіцця паўднёвага ўсходу Магілёўскай вобласці, віцебскага Паазер’я, Палесся.

Адносна развіцця абараназдольнасці, ваенна-прамысловага сектара, у цэлым забеспячэння бяспекі краіны Ігар Сергяенка звярнуў увагу на такі паказчык, як узбраенне і тэхніка ўласнай вытворчасці. Ён адзначыў, што закладзены даволі сур’ёзныя лічбы. «І які прыярытэт ні вазьмі, напружаныя задачы стаяць па ўсіх кірунках», — падкрэсліў Старшыня Палаты прадстаўнікоў.