Віншаванні паступілі ад Прэзідэнта Ірана Масуда Пезешкіяна, Прэзідэнта ААЭ шэйха Мухамеда бен Заіда аль-Нахаяна. Прэзідэнта таксама павіншавалі віцэ-прэзідэнт і прэм’ер-міністр ААЭ, кіраўнік Дубая шэйх Мухамед бен Рашыд аль-Мактум і віцэ-прэзідэнт, намеснік прэм’ер-міністра, міністр па справах Прэзідэнта шэйх Мансур бен Заід аль-Нахаян, Прэзідэнт Лаоскай Народна-Дэмакратычнай Рэспублікі Тхонглун Сісулі.

Аляксандра Лукашэнку павіншавалі таксама Прэзідэнт Турцыі Рэджэп Таіп Эрдаган, Кароль Бахрэйна шэйх Хамад бен Іса аль-Халіфа і Наследны прынц, прэм’ер-міністр гэтай краіны Сальман бен Хамад аль-Халіф.

Віншаванні Прэзідэнту з нагоды перамогі на выбарах паступілі ад старшыні Дзяржаўнага адміністрацыйнага савета, прэм’ер-міністра М’янмы Мін Аун Хлайна і ад старшыні Прэзідыума Босніі і Герцагавіны Жэлькі Цвіянавіч.

Прэзідэнт Зімбабвэ Эмерсан Мнангагва ў сваім віншаванні адзначыў: «Ваша перамога сведчыць аб даверы народа Вашай вялікай краіны да Вашага кіраўніцтва і дасягненняў на пасадзе кіраўніка дзяржавы. Я адданы ўмацаванню дружбы паміж нашымі дзвюма краінамі і паглыбленню ўзаемавыгаднага супрацоўніцтва на карысць народаў нашых краін».

Павіншаваў Аляксандра Лукашэнку з перамогай на выбарах Прэзідэнт Алжыра Абдэльмаджыд Тэбун. «Хацеў бы скарыстацца гэтай магчымасцю, каб выказаць Вашаму правасхадзіцельству наша поўнае задавальненне якасцю дружалюбных адносін і супрацоўніцтва, дасягнутых паміж Алжырам і Беларуссю, у надзеі, што яны атрымаюць далейшае ўмацаванне падчас маючай адбыцца першай сесіі Змешанай алжыра-беларускай камісіі ў наступным месяцы», — гаворыцца ў віншаванні. Абдэльмаджыд Тэбун запрасіў Аляксандра Лукашэнку наведаць Алжыр.

Паступіла віншаванне і ад імя Караля Мсваці ІІІ, Каралевы-маці, урада і народа Каралеўства Эсваціні за подпісам прэм'ер-міністра Эсваціні Расэла Дламіні. «Спадзяёмся на ўмацаванне сувязяў дружбы і супрацоўніцтва паміж Каралеўствам Эсваціні і Рэспублікай Беларусь у найбліжэйшыя гады. Упэўнены, што Ваша кіраўніцтва прывядзе Рэспубліку Беларусь да росквіту, міру і развіцця», — гаворыцца ў віншаванні.

Султан Амана Хайсам бен Тарэк Аль Саід павіншаваў Аляксандра Лукашэнку з перамогай на выбарах і пацвердзіў шчырае жаданне і далей развіваць двухбаковыя адносіны на карысць нашых народаў.

Старшыня дзяржаўных спраў Карэйскай Народна-Дэмакратычнай Рэспублікі Кім Чэн Ын павіншаваў Аляксандра Лукашэнку з перамогай на выбарах. «Віншую Вас з перавыбраннем на пасаду Прэзідэнта Рэспублікі Беларусь. Карыстаючыся гэтым выпадкам, выказваю надзею на далейшае развіццё адносін дружбы і супрацоўніцтва паміж Карэйскай Народна-Дэмакратычнай Рэспублікай і Рэспублікай Беларусь у інтарэсах народаў дзвюх краін», — гаворыцца ў віншаванні.

Прэзідэнт Кеніі Уільям Руто ў віншаванні Аляксандру Лукашэнку выказаў імкненне прадаўжаць цеснае супрацоўніцтва для далейшага ўмацавання двухбаковых адносін і дружбы паміж Беларуссю і Кеніяй на карысць народаў дзвюх краін.

Прэзідэнт Ганы Джон Драмані Махама ў віншаванні ад імя ўрада і народа сваёй краіны, а таксама ад сябе асабіста адзначыў: «Ваша пастаяннае лідарства з'яўляецца сведчаннем даверу і ўпэўненасці народа Беларусі ў Вашым бачанні нацыянальнага прагрэсу і развіцця». Джон Драмані Махама адзначыў, што Гану і Беларусь аб'ядноўвае імкненне да ўмацавання двухбаковых адносін.

Прэзідэнт Манголіі Ухнаагійн Хурэлсух у сваім віншаванні падкрэсліў, што дзяржаўны візіт Аляксандра Лукашэнкі ў гэту краіну пасадзейнічаў яшчэ большаму ўмацаванню традыцыйных дружалюбных адносін паміж нашымі краінамі і пакінуў яркі след у гісторыі двухбаковых адносін Манголіі і Беларусі. «Буду рады прадоўжыць наша з Вамі супрацоўніцтва, спадар Прэзідэнт, на карысць далейшага пашырэння і развіцця дружалюбных адносін і супрацоўніцтва паміж нашымі краінамі», — гаворыцца ў віншаванні.