У ведамстве растлумачылі, што на пачатковым этапе неабходна падаць у органы па працы, занятасці і сацыяльнай абароне па месцы рэгістрацыі заяву аб прадастаўленні субсідыі з указаннем сумы, а таксама бізнес-план, які адлюстроўвае эфектыўнасць арганізацыі сваёй справы. Спецыялісты разглядаюць зварот на працягу 10 рабочых дзён. Калі рашэнне станоўчае, заключаецца дагавор аб прадастаўленні субсідыі. Сродкі неабходна выкарыстоўваць па прызначэнні на працягу трох месяцаў з дня іх атрымання.

Дарэчы, у дзелавым свеце ўсё больш жанчын. Працавітыя, адукаваныя, ініцыятыўныя беларускі актыўна інтэгруюцца ў дынамічнае прадпрымальніцкае асяроддзе, паведамілі ў профільным міністэрстве. Так, летась падтрымка ў арганізацыі ўласнай справы аказана 406 беспрацоўным жанчынам. Ключавыя віды дзейнасці, якія развіваюць бізнес-лэдзі, — аказанне розных відаў паслуг. Напрыклад, цырульні і касметычныя паслугі, гандаль і іншае.