«У Кітаі гавораць: калі карані глыбокія, дрэва не баіцца ветру. За больш як векавую гісторыю Камуністычная партыя Кітая даказала, што менавіта трывалыя каштоўнасныя асновы, стратэгічнае бачанне і адзінства народа дазваляюць краіне ўпэўнена рухацца наперад, пераадольваючы любыя выпрабаванні», — падкрэсліў Мікалай Снапкоў.

Кітайская цывілізацыя на працягу тысячагоддзяў вучыла бачыць перспектыву далей за адно пакаленне. «Менавіта таму сённяшнія дасягненні Кітая — гэта не выпадковы поспех, а заканамерны вынік паслядоўнага руху, дзе кожны новы этап абапіраецца на вопыт папярэдняга. Сёння ўвесь свет уважліва назірае за тым, як Кітай упэўнена рэалізуе курс на ўсебаковае будаўніцтва моцнай сучаснай сацыялістычнай дзяржавы», — звярнуў увагу першы намеснік прэм’ер-міністра.

Мікалай Снапкоў сказаў, што Беларусь шчыра радуецца поспехам свайго ўсепагоднага і ўсебаковага стратэгічнага партнёра. «Нашы адносіны — узор узаемнага даверу, павагі і падтрымкі. Яны паслядоўна развіваюцца дзякуючы стратэгічнаму кіраўніцтву Прэзідэнта Беларусі Аляксандра Лукашэнкі і старшыні Кітайскай Народнай Рэспублікі Сі Цзіньпіна», — выказаў упэўненасць ён.

У чэрвені бягучага года лідары дзвюх дзяржаў зноў сустрэліся ў Пекіне. «Гэта сустрэча стала не проста важнай падзеяй двухбаковага парадку дня, а чарговым пацвярджэннем таго, што беларуска-кітайскія адносіны захоўваюць асаблівую дынаміку і стратэгічную глыбіню, — лічыць Мікалай Снапкоў. — Менавіта асабісты давер Аляксандра Лукашэнкі і Сі Цзіньпіна прадаўжае задаваць высокую планку ўсяму комплексу супрацоўніцтва».

«Нашы краіны падзяляюць перакананне, што сапраўднае партнёрства грунтуецца не на кан’юнктуры, а на ўзаемнай павазе і даверы. Упэўнены, што супрацоўніцтва будзе і ў далейшым умацоўвацца, уносячы важкі ўклад у развіццё эканомік дзвюх краін, дабрабыт народаў і фарміраванне справядлівага шматпалярнага свету. Прынятая ў гэтым годзе новая Дырэктыва аб практычным напаўненні ўсепагоднага і ўсебаковага стратэгічнага партнёрства Рэспублікі Беларусь і Кітайскай Народнай Рэспублікі, правядзенне гадоў прамысловай кааперацыі, рэалізацыя буйных інвестыцыйных праектаў — сімвалы таго, як задачы лідараў дзяржаў становяцца асновай супрацоўніцтва і ператвараюцца ў рэальныя вытворчасці, тэхналогіі, рабочыя месцы і новыя магчымасці для будучых пакаленняў», — падкрэсліў першы намеснік прэм’ер-міністра.

Ён пажадаў Кітайскай Народнай Рэспубліцы далейшага працвітання, Камуністычнай партыі Кітая — міру, дабрабыту і далейшага ўмацавання абараназдольнасці дзяржавы. «Няхай дружба паміж Беларуссю і Кітаем, правераная часам і агульнымі справамі, становіцца мацнейшай год ад году, а нашы народы нязменна захоўваюць мір, дабрабыт і ўпэўненасць у заўтрашнім дні», — рэзюмаваў Мікалай Снапкоў.

На мерапрыемстве таксама выступіў міністр абароны Віктар Хрэнін, які падкрэсліў значнасць супрацоўніцтва Беларусі і Кітая, а паміж нашымі краінамі няма закрытых тэм ва ўзаемадзеянні.