17 снежня 2025 года прыкладна ў 19:58 абвінавачаны ў стане, выкліканым ужываннем наркатычных сродкаў, уязджаў з Польшчы ў Беларусь. Пры гэтым ён незаконна, схаваўшы ад мытнага кантролю, перамясціў праз мытную граніцу Еўразійскага эканамічнага саюза спрасаванае смалістае рэчыва карычневага колеру масай 0,1033 г — небяспечны наркатычны сродак гашыш. Ён незаконна без мэты збыту захоўваў і перавозіў наркотык для асабістага спажывання.

Мужчына, дапытаны па прад’яўленым абвінавачанні, віну прызнаў поўнасцю. Ён паведаміў, што пражывае і працуе ў Германіі, ужывае наркатычныя сродкі. Каля двух гадоў таму ў Нідэрландах набыў для асабістага ўжывання гашыш, рэшткі якога захоўваў для асабістага ўжывання. Накіроўваючыся ў Беларусь, забыўся пра наяўнасць наркотыку ў касметычцы, якую паклаў у чамадан, і з якім 17 снежня 2025 года перасёк польска-беларускую граніцу ў РПТА «Бераставіца». Падчас агляду рэчаў супрацоўнікам мытні наркатычны сродак быў знойдзены і канфіскаваны. Мужчына паведаміў, што раскайваецца ў зробленым.

Суд прызнаў абвінавачанага вінаватым у незаконных без мэты збыту захоўванні і перавозцы наркатычных сродкаў. На падставе ч. 1 арт. 328 КК яму прызначана пакаранне ў выглядзе абмежавання волі на 1 год 6 месяцаў. Ён жа прызнаны вінаватым у незаконным перамяшчэнні праз мытную граніцу Еўразійскага эканамічнага саюза наркатычных сродкаў. На падставе ч. 1 арт. 328-1 КК ён прыгавораны да абмежавання волі на 2 гады 6 месяцаў без штрафу.

У адпаведнасці з ч. ч. 1, 2 ст. 72 КК па сукупнасці злачынстваў, шляхам паглынання менш строгага пакарання больш строгім, абвінавачанаму канчаткова прызначана пакаранне ў выглядзе абмежавання волі на 2 гады 6 месяцаў без штрафу з накіраваннем у папраўчую ўстанову адкрытага тыпу. Пастаноўлена таксама спагнаць з яго ў даход дзяржавы працэсуальныя выдаткі.

Прыгавор не ўступіў у законную сілу і можа быць абскарджаны і апратэставаны ва ўстаноўленым законам парадку.