Праграму турніру адкрылі спаборніцтвы ў стральбе стоячы з пнеўматычнай вінтоўкі на 10 метраў у мужчын. Па выніках кваліфікацыі ў васьмёрку мацнейшых трапілі пяцёра беларусаў, у фінале лепшы рэзультат (251,5 бала) паказаў наш Уладзімір Чарноў. Серабро з сумай 247,8 ачка заваяваў яго суайчыннік Ян Чыгілейчык.

Таксама ў практыкаванні ВП-6 былі прадстаўлены спартсмены з Казахстана, Расіі і Узбекістана. Міжнародны турнір па кулявой стральбе «Гран-пры Алтын Мерген» прадоўжыцца ў Шымкенце па 5 сакавіка. У склад беларускай дэлегацыі ўвайшлі больш за 20 чалавек.