Фінал конкурсу пройдзе ў рамках XXV Нацыянальнага фестывалю беларускай песні і паэзіі «Маладзечна-2026».

У конкурсе прымаюць удзел адораныя вакалісты ва ўзросце ад 6 да 18 гадоў (у чатырох узроставых групах) уключна па стане на дзень пачатку правядзення конкурсу.

Конкурс праводзіцца ў 3 туры. Першы, завочны, тур праводзіцца па відэазапісах конкурсных нумароў. Другі тур і трэці тур праводзяцца ў вочным фармаце. Апошні прызначаны для выяўлення ўладальніка Гран-пры ХІІ адкрытага конкурсу юных выканаўцаў эстраднай песні «Маладзічок-2026».

Для ўдзелу ў конкурсе неабходна прадаставіць два рознахарактарныя нумары, кожны працягласцю не больш за 4 хвіліны. Адзін твор павінен быць беларускага аўтара на адной з дзяржаўных моў, другі твор — па выбары ўдзельніка. Кожны нумар выконваецца ў суправаджэнні фанаграмы «мінус 1», дапускаецца выкарыстанне бэк-вакалу (не дубліруючага асноўную партыю).

Заяўкі на конкурс прымаюцца да 15 лютага. Для адбору ўдзельнікаў неабходна адправіць на электронную пошту maladzichok@mail.ru запоўненую заяўку на ўдзел у конкурсе (дадатак нумар 1), партрэтную фатаграфію ў добрай якасці ў фармаце JPG, відэаматэрыялы конкурсных нумароў, копію дакумента, якая засведчвае асобу канкурсанта, квітанцыю аб аплаце. Пра больш падрабязную інфармацыю можна даведацца на сайце Палаца культуры Маладзечна.