У мерапрыемстве прынялі ўдзел супрацоўнікі і вайскоўцы органаў пагранічнай службы і іх сем’і. Ганаровым госцем стала алімпійская чэмпіёнка і Заслужаны майстар спорту Беларусі маёр Юлія Несцярэнка.

«Наш народ 86 гадоў таму ўз’яднаўся ў складзе адзінай Беларускай Савецкай Сацыялістычнай Рэспублікі. Мы цвёрда засвоілі найважнейшыя ўрокі гісторыі — толькі аб’яднаўшыся, можна захаваць свабоду і незалежнасць, толькі сваёй стваральнай працай можна пабудаваць моцную і квітнеючую Беларусь. Важнае значэнне кіраўнік дзяржавы надае спорту, паказваючы пры гэтым асабісты прыклад. Без фізічнай актыўнасці, заняткаў спортам не будзе здаровых дзяцей, людзей і нацыі ў цэлым. Разам з увагай дзяржавы да гэтай тэмы мы самі павінны праяўляць імкненне да здаровага ладу жыцця, знаходзіць у сваім службовым графіку час для падтрымання фізічнай формы», — адзначыў Канстанцін Моластаў.

У спартыўных спаборніцтвах удзел прынялі восем каманд. Барацьба ішла за перамогу ў камандных і індывідуальных спаборніцтвах: спартыўныя эстафеты, інтэлектуальныя гульні, заплыў на байдарцы, лазер-ран, стральба з лука, гонкі на роварах, дартс, перацягванне ліны. 

Першае месца заняў калектыў Інстытута пагранічнай службы, другое — група сувязі і забеспячэння, на трэцюю прыступку п’едэстала падняліся прадстаўнікі атрада пагранічнага кантролю «Мінск».