Прэзідэнт Беларусі Аляксандр Лукашэнка падрыхтаваў свайму расійскаму калегу Уладзіміру Пуціну ў якасці падарунка на дзень нараджэння карціну з краявідамі Валаама. Пра гэта расказала прэс-сакратар беларускага лідара Наталля Эйсмант, паведамляе БелТА.
Як стала вядома, Аляксандр Лукашэнка не перадаваў свой падарунак Уладзіміру Пуціну падчас нядаўняга саміту СНД у Душанбэ. Па інфармацыі, гэта можа сведчыць аб хуткай сустрэчы двух лідараў.
«Прэзідэнту Расіі наш Прэзідэнт (яны аб гэтым дамовіліся) свой падарунак абавязкова перадасць асабіста. Гэта дастаткова маштабная і вельмі прыгожая карціна. Напісана па спецыяльнай замове нашым вядомым беларускім мастаком Масленікавым. На гэтай карціне намаляваны проста цудоўныя пейзажы Валаама», — расказала прэс-сакратар Прэзідэнта Беларусі Наталля Эйсмант.
Падарунак Аляксандр Лукашэнка падрыхтаваў і Прэзідэнту Таджыкістана. Аднак падрабязнасцяў не паведамлялася.
Эмамалі Рахмон і Уладзімір Пуцін адзначылі свае дні нараджэння 5 і 7 кастрычніка адпаведна. Аляксандр Лукашэнка накіраваў калегам віншавальныя пасланні, а таксама павіншаваў іх асабіста падчас тэлефонных размоў.
