«Заручыўшыся падтрымкай цёплых і вільготных паветраных мас, май на гэтым тыдні паднёс жыхарам краіны цэлы букет летніх з’яў у выглядзе моцнай спёкі, навальніц, ліўняў, граду і шквалаў. Так, па ўсходзе краіны паветра прагравалася да 30-31 градуса, на большай частцы тэрыторыі прайшлі навальнічныя дажджы, месцамі адзначаўся град дыяметрам да 10 мм і ўзмацняўся вецер з парывамі 15-21 м/с. Аднак з заўтрашняга дня сітуацыя пачне мяняцца. Мы прапусцім халодны ўчастак атмасфернага фронту, следам за якім пачне паступаць больш свежая паветраная маса з Балтыйскага мора. Тэмпературны фон пачне паніжацца і паступова вернецца ў кліматычны ход. У выніку дзённыя максімумы на наступным тыдні стануць вагацца ад плюс 13 да плюс 25 градусаў. 22-23 мая з ростам атмасфернага ціску колькасць і інтэнсіўнасць ападкаў зменшыцца. Аднак перадышка будзе нядоўгай, і ўжо з 24 мая на нашу тэрыторыю пачнуць перамяшчацца чарговыя франтальныя раздзелы, якія прынясуць новыя порцыі ападкаў у большасць раёнаў краіны. Разам з тым пры развіцці канвектыўнай воблачнасці месцамі не выключаны навальніцы, моцны парывісты вецер», — расказалі ў Белгідрамеце.