З прыходам цёплых дзён жыхары шматкватэрных дамоў пачынаюць адкрываць вокны, упускаючы ў дом вясновае паветра. Аднак разам са свежасцю з’яўляюцца і новыя рызыкі, асабліва калі ў доме дзеці або гадаванцы, расказалі sb.by ў ДА «ЖКГ Мінскай вобласці».
Спецыялісты рэкамендуюць:
— Каб пазбегнуць непажаданых наступстваў, можна ўстанавіць блакатары — спецыяльныя замкі або тросікі. Яны дазваляюць праветрываць пакой, але не даюць адкрыць акно шырэй за 10-15 см.
Яшчэ адно важнае правіла: сыходзячы з дому, трэба заўсёды правяраць, ці зачыненыя вокны наглуха.
Таксама спецыялісты рэкамендуюць адсунуць крэслы, тумбы і ложкі ад падаконнікаў: дзіцяці дастаткова секунды, каб залезці па скрынях уверх. Трэба стварыць «мёртвую зону» перад акном.
— Важна памятаць, што маскітныя сеткі — гэта не абарона ад падзення, — дадалі ў аб’яднанні. — Такая сетка стварае ілюзію апоры, але не вытрымлівае нават вагі кошкі. Ніколі не пакідайце дзіця ў пакоі, дзе адкрыта акно з адной толькі сеткай.
