Праграму спаборніцтваў адкрылі спрынтарскія гонкі на 7,5 км сярод жанчын і юніёрак. Перамогу ў дарослым заліку атрымала Ганна Сола, якая прайшла абодва агнявыя рубяжы без промахаў. Другое месца з адставаннем 32 секунды заняла Ірына Шаклеіна, тройку прызёраў замкнула Алена Кулак, якая ўступіла чэмпіёнцы дзве хвіліны. Дзінара Смольская ўдзел у гонцы не прымала.

Лепшы вынік сярод юніёрак паказала Настасся Цітова, серабро і бронзу заваявалі Ганна Макарская і Вераніка Пазняк адпаведна. Мужчыны і юніёры выйдуць на старт спрынту ў 14.55.

24 лютага ў «Раўбічах» адбудуцца гонкі з масавым стартам.