Удзел у гонцы на 10 км з двума агнявымі рубяжамі прынялі 29 спартсменаў. Лідар нацыянальнай каманды Антон Смольскі дапусціў адну памылку на стральбе са становішча стоячы, што не перашкодзіла яму паказаць найлепшы вынік на фінішы. Час сярэбранага прызёра Максіма Вараб’я Антон перасягнуў на хвіліну. Бронзу заваяваў Дзмітрый Лазоўскі.

Раней перамогу ў жаночым спрынце атрымала Дзінара Смольская, таксама ў тройку трапілі Ганна Сола і Ксенія Варабей. Праграму чэмпіянату Беларусі па летнім біятлоне ў «Раўбічах» завершаць гонкі з масавым стартам 25 верасня.