Удзел у спрынтарскай гонцы на 7,5 км прынялі 29 біятланістак, Смольская ўцякла на дыстанцыю пад пятым нумарам. На абодвух агнявых рубяжах Дзінара абышлася без промахаў, вынік лідара нашай каманды на фінішы склаў 20 мін. 06,3 сек. Палепшыць час беларускі змагла толькі Наталля Шаўчэнка — пасля другой стральбы Смольская выйгравала ў саперніцы сем секунд, але заключны круг расіянка прайшла хутчэй і ў выніку апярэдзіла Дзінару на шэсць секунд.

Ганна Сола пазбавілася шанцаў на медаль ужо на стральбе са становішча лежачы, калі сышла на два штрафныя кругі. На стойцы беларуска таксама дапусціла дзве памылкі і ў выніку заняла 16-е месца. Дар’я Кудаева з нулём на абодвух рубяжах размясцілася 18-й, Ксенія Варабей стала 22-й, Адэліна Сабітава — 25-я, Ірына Шаклеіна — 26-я.

У 13:30 наймацнейшых у спрынце пачнуць вызначаць мужчыны, у стартавым пратаколе 43 біятланісты, у тым ліку 8 прадстаўнікоў Беларусі.