Як паведамляе ТАСС са спасылкай на эстонскі партал Нацыянальнага Дзяржтэлерадыё ERR, гаворка ідзе аб пастаўцы ўзбраенняў калібрам 40 і 23 мм і камплектуючых да іх, а таксама 76-, 40- і 23-міліметровых боепрыпасаў.

Па ўмовах тэндару прадукцыя павінна быць выраблена ў краінах Еўрасаюза або Паўночнаатлантычнага альянсу і ў цяперашні час знаходзіцца на ўзбраенні рэгулярных або спецпадраздзяленняў узброеных сіл дзяржаў-членаў альбо праходзіць стадыю прыняцця на ўзбраенне.

Як адзначае партал, з € 195 млн, што выдзяляюцца на закупку, € 145 млн прызначаныя для набыцця боепрыпасаў і € 50 млн — на зброю. Па кожнай частцы закупкі будзе заключаны кантракт на сем гадоў.