Закамянелыя сляды буйнога старажытнага сваяка чалавека ўзростам каля 1,43 мільёна гадоў знайшлі на поўначы Кеніі, піша выданне Arkeonews са спасылкай на вынікі даследавання, перадае РІА «Новости».

«Некаторыя з выяўленых на поўначы Кеніі скамянелых слядоў маглі належаць старажытным сваякам чалавека ростам каля 1,8 метра», — гаворыцца ў матэрыяле.

Паводле даследавання некаторыя з асобін маглі дасягаць росту каля 1,8 метра, што значна перавышае ранейшыя ацэнкі памераў прадстаўнікоў віду сваякоў сучаснага чалавека — парантроп Бойса, якія жылі ва Усходняй Афрыцы прыкладна ад 2,3 да 1,2 мільёна гадоў назад.

Выданне піша, што сляды захаваліся ў адкладах на беразе старажытнага возера на археалагічным участку ГаДжы-10 у раёне Усходняй Турканы. Навукоўцы ўстанавілі, што некалькі старажытных продкаў чалавека адначасова перасоўваліся па мелкаводдзі, магчыма, у складзе адной сацыяльнай групы.

Адбіткі дазволілі даследчыкам атрымаць новыя даныя аб анатоміі, памерах цела, хадзе і паводзінах старажытных сваякоў чалавека.
Разам з тым, буйныя памеры гамінін дазваляюць выказаць здагадку, што яны маглі належаць Homo erectus, які ў той жа перыяд таксама жыў на тэрыторыі Усходняй Афрыкі. Аднак, паводле даследавання, навукоўцы больш схіляюцца да версіі таго, што сляды належаць прадстаўнікам віду парантроп Бойса.