У Беларусі 3 снежня ў асобных раёнах магчымы туман, ноччу і раніцай — слабы галалёд. Пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У сераду будзе воблачна. Месцамі чакаюцца невялікія ападкі, у асноўным дождж. Вецер прагназуецца паўднёва-ўсходні слабы.
Тэмпература паветра ўначы складзе ад мінус 1 да плюс 4 градусаў. Днём будзе 1—6 градусаў вышэй за нуль.
