Старшыня Кітайскай Народнай Рэспублікі Сі Цзіньпін заявіў, што свет «перажывае перыяд турбулентнасці і зменаў», адзначыўшы пры гэтым, што «аднабаковыя і агрэсіўныя дзеянні сур’ёзна ўплываюць на міжнародны парадак». Пра гэта паведаміў тэлеканал CCTV, паведамляе БелТА.
Сі Цзіньпін заявіў, што «ўсе краіны павінны паважаць шляхі развіцця, самастойна выбраныя народамі іншых краін». Па паведамленні CCTV, кітайскі лідар дадаў, што яны павінны «выконваць міжнароднае права, а таксама мэты і прынцыпы Статута ААН».
Па даных CCTV, Сі Цзіньпін зрабіў гэтыя заявы падчас сустрэчы з прэм’ер-міністрам Ірландыі Міхолам Марцінам.
У заяве Міністэрства замежных спраў КНР раней гаварылася, што Кітай рашуча асуджае дзеянні ЗША супраць Венесуэлы і яе прэзідэнта. Як перадавала агенцтва «Сіньхуа», афіцыйны прадстаўнік кітайскага МЗС адзначыў, што падобныя гегеманісцкія дзеянні ЗША сур’ёзна парушаюць міжнароднае права, топчуць суверэнітэт Венесуэлы, а таксама пагражаюць міру і бяспецы ў Лацінскай Амерыцы і Карыбскім басейне. «Мы заклікаем ЗША выконваць міжнароднае права, мэты і прынцыпы Статута ААН і спыніць замах на суверэнітэт і бяспеку іншых краін», — сказаў афіцыйны прадстаўнік знешнепалітычнага ведамства КНР.
