У сённяшнім паядынку 1/16 фіналу беларуска за паўтары гадзіны перайграла ў дзвюх партыях чэшскую тэнісістку Лінду Фрухвіртаву (143) — 6:3, 7:5. У матчы за выхад у чвэрцьфінал саперніцай Шымановіч будзе пераможца сустрэчы паміж амерыканкай Хэйлі Баптыст (35) і францужанкай Джэсікай Паншэ (170). У асноўную сетку гэтых спаборніцтваў беларуска выйшла, атрымаўшы дзве вікторыі ў кваліфікацыі. 

У першым раўндзе турніру WTA-500 у нямецкім Штутгарце з прызавым фондам $1,2 млн беларуска Аляксандра Сасновіч (111) уступіла 12-й ракетцы планеты чэшскай тэнісістцы Караліне Мухавай — 2:6, 4:6. У 1/8 фіналу чэшка будзе сапернічаць з пераможцай матчу паміж бельгійкай Элізэ Мертэнс (20) і немкай Элай Зайдэль (87). У асноўную сетку гэтага турніру Сасновіч прабілася праз кваліфікацыю, абыграўшы нямецкую тэнісістку Юлію Штузек — 6:1, 6:4 і францужанку Асеан Дадэн — 6:1, 6:1. Беларуска Арына Сабаленка чатыры разы выходзіла ў фінал гэтых спаборніцтваў і заўсёды ўступала саперніцам. Год таму яна прайграла прадстаўніцы Латвіі Алене Астапенка.

Спаборніцтвы ў Германіі і Францыі завершацца 19 красавіка.