Беларуская тэнісістка Ірына Шымановіч і расіянка Марыя Козырава прабіліся ў паўфінал парнага разраду турніру WTA-125 у амерыканскім Осціне з прызавым фондам $115 тыс., паведамляе БелТА.
У чвэрцьфінальным матчы беларуска-расійскі тандэм перамог амерыканскі дуэт Кэтрын Харысан / Алана Сміт — 6:2, 6:4. У першым раўндзе адзіночнага разраду Ірына Шымановіч (158-ы нумар сусветнага рэйтынгу) уступіла ў трохсэтавым паядынку канадскай тэнісістцы Кайле Крос (250) — 6:2, 2:6, 1:6.
Спаборніцтвы ў Осціне завершацца 9 лістапада.
