Каб не дапусціць распаўсюджвання на тэрыторыі Беларусі інвазіўных відаў раслін, зацверджаны пералік такіх відаў, якія падлягаюць рэгуляванню. У залежнасці ад плошчы, якую займаюць расліны, шчыльнасці іх вырастання, ступені пагрозы рэгуляванне ажыццяўляецца ручным, механічным або хімічным спосабамі.

За невыкананне плана па барацьбе з інвазіўнымі раслінамі карыстальнікі зямельных участкаў прыцягваюцца да адміністрацыйнай адказнасці. Так, за несвоечасовае выкананне мерапрыемстваў па рэгуляванні распаўсюджвання сумніку канадскага ў краіне з чэрвеня 2025 года складзены 1234 прадпісанні, 31 пратакол, накладзена штрафных санкцый на суму Br6762.