У аграгарадку Лапічы Асіповіцкага раёна падчас нясення службы інспектары ДАІ падалі сігнал аб спыненні кіроўцу Volkswagen, які ён праігнараваў. Аднак сысці ад адказнасці 39-гадоваму мясцоваму жыхару, які не меў права кіравання і знаходзіўся ў стане алкагольнага ап’янення, не ўдалося.

Агляд паказаў наяўнасць этылавага спірту ў выдыханым паветры ў канцэнтрацыі 2,2 праміле. У дачыненні да парушальніка складзена шэсць адміністрацыйных матэрыялаў, а транспартны сродак змешчаны на ахоўную стаянку. 

Цяпер за такую паездку мужчыну прыйдзецца заплаціць штраф у памеры 207 базавых велічынь (больш за Br8,6 тыс.), а таксама найбліжэйшыя пяць гадоў ён не зможа атрымаць пасведчанне кіроўцы.

Дзяржаўтаінспекцыя нагадвае: алкаголь і дарога несумяшчальныя. П’яныя аўтааматары ствараюць пагрозу для жыцця і здароўя ўсіх удзельнікаў дарожнага руху.