Падаражэе арэнда дзяржаўнай нерухомасці

Базавая арэндная велічыня з 1 красавіка складзе 18,77 рубля, яна вырасце крыху больш за рубель. На падставе базавай арэнднай велічыні вызначаецца плата за арандаваную нерухомасць, якая знаходзіцца ў дзяржуласнасці і ўласнасці гаспадарчых таварыстваў. Памер базавай арэнднай велічыні кожны год устанаўліваецца Саўмінам з улікам інфляцыі.

Павялічацца выплаты па еўрапратаколу

З трэцяй дэкады красавіка ўступіць у сілу новы ўказ № 108 «Аб страхаванні», які павялічыць ліміт па еўрапратаколе да 150 базавых велічынь (цяпер гэта 6300 рублёў). 

Цяпер максімальная выплата абмежаваная сумай эквівалентнай 800 еўра. Гэта значыць, што кіроўцы, якія трапілі ў нязначнае здарэньне, змогуць атрымаць кампэнсацыю без выкліку ДАІ і без афармленьня адміністрацыйных пратаколаў, запоўніўшы паведамленьне аб ДТЗ на месцы. Галоўная ўмова — у абодвух бакоў павінны быць дзеючае страхаванне і правы кіроўцы, не павінна быць пацярпелых і рознагалоссяў па абставінах аварыі. Пры выкананні гэтых умоў вінаваты не панясе адміністрацыйнай адказнасці, а страхоўшчык выплаціць пацярпеламу шкоду.

Пры ДТЗ з удзелам дзікіх жывёл пацярпелым могуць выплаціць кампенсацыю за прычыненне шкоды жыццю і здароўю, але пакрыццё шкоды маёмасці (напрыклад, пашкоджанне аўтамабіля) не прадугледжана. Акрамя таго, 23 красавіка пачнецца продаж адзіных полісаў аўтастрахавання ў Беларусі і Расіі. Адзіная сістэма спросціць жыццё вадзіцелям, якія часта перасякаюць мяжу паміж нашымі краінамі.

Верхняя мяжа крэдытаў

Нацыянальны банк не стаў мяняць разліковыя велічыні стандартнай рызыкі на красавік. Для новых крэдытаў у беларускіх рублях, за выключэннем ільготных, значэнні гэтых велічынь застанецца на ўзроўні: 12,87 % гадавых для юрыдычных асоб і 18,18 % гадавых для фізічных асоб.

Разліковая велічыня стандартнай рызыкі вызначае верхнюю мяжу ставак па крэдытах. Фармальна банкі могуць прапаноўваць і больш высокія працэнты, але ў такім выпадку для іх ўводзяцца дадатковыя патрабаванні да капіталу і рэзервах.

Рэгуляванні цэн і падаходны падатак

Да красавіка ўрад павінен вызначыцца з новай сістэмай рэгулявання цэнаў. Прапанавана два варыянты: кароткатэрміновы і сярэднетэрміновы. Кароткатэрміновы пабудаваны на прапанове бізнесу, яго сутнасць заключаецца ў карэкціроўцы існучай сістэмы. Прапанова ўрада на сярэднетэрміновую перспектыву — сфарміраваць рэспубліканскую сістэму абароту тавараў, работ і паслуг, якая дазволіць адсочваць дабаўленую вартасць.

А яшчэ да 31 сакавіка трэба паспець падаць дэкларацыю па падаходным падатку, а затым падатковая разлічыць суму да выплаты. Паспець заплаціцьпадаткі сёлета трэба да 2 чэрвеня.

Камісія па валютных рахунках

Некаторыя камерцыйныя банкі з 1 красавіка ўводзіць камісію за валютныя рахункі фізічных асоб з балансам ад 30 тысяч долараў у эквіваленце. Гэта камісія за сэрвіснае абслугоўванне рахункаў кліентаў у доларах, еўра, злотых, фунтах стэрлінгаў, швейцарскіх франках і шведскіх кронах, але ўкладаў яна не тычыцца. Плата за абслугоўванне валютных рахункаў з сумарным сярэднядзённым астаткам ад 30 тысяч да 50 тысяч долараў складзе 500 рублёў. Першае ўтрыманне камісіі будзе ў маі гэтага года.

Для больш буйных сум па-ранейшаму дзейнічаюць такія камісіі: 750 рублёў для рахункаў з астаткам ад 50 тысяч да 100 тысяч долараў уключна; 1500 рублёў для рахункаў з астаткам ад 100 тысяч да 200 тысяч долараў і гэтак далей. Максімальная камісія ў памеры 12 000 рублёў прадугледжана для рахункаў з астаткам ад 1 мільён долараў і вышэй.

Плата за памылковы перавод

З 1 красавіка кліенты аднаго беларускага банка будуць плаціць па 20 рублёў за кожную спробу вярнуць грошы, калі пры пераводзе яны памыліліся ў рэквізітах. Новая камісія датычыцца ўсіх безнаяўных пераводаў праз Інтэрнэт-банкінг, мабільны дадатак INSNC, сістэму АРІП або з карты на карту. Правіла распаўсюджваецца на пераводы як унутры самога банка, так і ў іншыя банкі краіны. Камісія будзе дзейнічаць, нават калі грошы адправілі на карту фізічнай асобы ў замежным банку (у выпадку пераводу з карты на карту). Аплату ў памеры 20 рублёў будуць браць за кожную заяву, пададзеную для вяртання сродкаў па памылковай аперацыі.

«Белавія» запусціць рэйсы з Магілёва і Брэста

З Брэста ў Санкт-Пецярбург можна будзе дабрацца самалётам з 2 красавіка, час у палёце складзе 1 гадзіну 50 хвілін. Рэйсы запланаваны двойчы на тыдзень: па серадах і суботах. Вылет з Брэста — у 16:15, прылёт у Санкт — Пецярбург-У 18:05. Вылет з Санкт-Пецярбурга — у 18:55, прылёт у Брэст — у 20:40.

З 28 красавіка «Белавія» пачне лётаць з Магілёва ў Маскву. Рэйсы будуць два разы на тыдзень: па панядзелках і чацвяргах. Вылет з Магілёва — у 21:00, прылёт у Маскву (Шарамеццева) — у 22: 25. Вылет з Масквы — У 18:55, прылёт у Магілёў — у 20: 20. Час у палёце складзе 1 гадзіну 25 хвілін.

Фота БелТА