Якія прычыны могуць прывесці да выключэння з навучальнай установы, растлумачыў адвакат спецыялізаванай юрыдычнай кансультацыі г. Мінска «Эканоміка Маёмасць Інвестыцыі» Эдуард Фядотаў. Пра гэта паведамляе «Мінская праўда».
Так, студэнта могуць адлічыць з ВНУ, калі ён прапусціў без паважных прычын больш за 72 акадэмічных гадзін заняткаў на працягу семестра або паўгоддзя.
Акрамя таго, прычынай для адлічэння можа стаць няяўка на вучобу на працягу 30 дзён з пачатку навучальнага года, а таксама нездавальняючыя ацэнкі. У прыватнасці, калі студэнт атрымаў тры «нездавальняючых» адзнакі па выніках прамежнай атэстацыі ў семестры або паўгоддзі, альбо нездавальняючую ацэнку па выніках навучальнага года.
