Чаму не позна

• Глеба ўжо прагрэлася і актыўна аддае цяпло — мікраарганізмам, насенню і ўсходам.
• Ападкі яшчэ магчымыя, а апошнім часам і ўвогуле дажджы ідуць часта, яны выдатна дрэнажуюць і падкормліваюць маладыя расліны.
• У некаторых рэгіёнах да першых замаразкаў засталося 60–90 дзён — гэтага цалкам хопіць для «другога цыкла».

Што можна сеяць

• Зеляніна і салаты: рукала, шпінат, ліставая салата, пятрушка, кроп.Іх тэрмін вегетацыі — 30–40 дзён. Ужо ў жніўні—верасні можна атрымаць другі ўраджай. Яны ідэальныя для градак — прыжываюцца хутка, амаль не хварэюць.
• Радыска і дайкон. Радыска спее за 20–25 дзён. Дайкону патрабуецца 50–60 дзён, але яго вырошчванне таксама ўкладзецца ў летні перыяд — глеба прагрэтая, вільгаці дастаткова.
• Цыбуля на зеляніну і часнок. Калі вы прапусцілі вясновую сяўбу цыбулі на зеляніну — не бяда. Ліпеньская пасадка дасць сакавітую, далікатную зеляніну ў верасні. Часнок на зіму таксама сеюць у ліпені—жніўні, калі грунт асабліва рыхлы і пажыўны.

Падрыхтуйце градку загадзя. Прыбярыце лішнія расліны і пустазелле. Занясіце арганіку — перагной або кампост: багатая глеба паскорыць рост. Перад пасевам добра папалівайце градку.

Калі ў вас дробнанасенныя культуры, змяшайце насенне з пяском. Гэта забяспечыць раўнамерны пасеў. Потым ушчыльніце, але не трамбуйце радкі. Накрыйце плёнкай на 2-3 дні — гэта паскорыць усходжасць.

Пасля пасадкі важны рэгулярны паліў: 2-3 разы на тыдзень, асабліва ў сухое і ветранае надвор’е. Мульчыраваць пажадана торфам або кампостам для забеспячэння рыхласці глебы і захоўвання вільгаці. Сачыце за пустазеллем і хваробамі, бо ліпеньскія ўсходы актыўна развіваюцца і шкоднікі таксама не дрэмлюць.

Памятайце, што ліпень — гэта не канец сезона, а новая магчымасць. Хуткарослыя і капусныя культуры паспеюць даць ураджай да замаразкаў. Правільная падрыхтоўка град, рэгулярны догляд, трохі ўвагі — і вы прадоўжыце сезон, атрымаеце свежую зеляніну і смачную гародніну восенню.

Вядучая рубрыкі Марына ВЯРЭНІЧ