Кіраўнік дзяржавы падтрымлівае ідэю вяртання Алімпійскіх гульняў у Германію, аднак мяркуе, што 2036 год з’яўляецца адчувальным для краіны, паколькі за сто гадоў да гэтага, у 1936-м, летнія Алімпійскія гульні праходзілі ў Берліне і выкарыстоўваліся нацысцкім рэжымам у прапагандысцкіх мэтах. Таму, як адзначаецца, Прэзідэнт лічыць больш прыдатнымі альтэрнатыўныя тэрміны.

У цяперашні час у Германіі абмяркоўваецца магчымасць падачы заяўкі на правядзенне летніх Алімпійскіх і Паралімпійскіх гульняў у 2036, 2040 ці 2044 годзе. Па даных выдання, Штайнмаер аддае перавагу варыянтам 2040 або 2044 года.

Апошні раз летнія Алімпійскія гульні праходзілі ў Германіі ў 1972 годзе ў Мюнхене.