Кацярына Макуцэня адзначыла, што маленькія школьнікі — самыя пераборлівыя і самыя педантычныя спажыўцы. «І сёння вытворцы ствараюць усе ўмовы для таго, каб задаволіць попыт кожнага з іх. Пашыраны продаж тавараў для школьнікаў да новага навучальнага года стартаваў з сярэдзіны ліпеня і прадоўжыцца практычна да канца верасня», — нагадала яна.

Тавары школьнага асартыменту рэалізуюцца ва ўнівермагах, гіпермаркетах, фірменных крамах айчынных вытворцаў. «У аб’ектах гандлю вылучаныя дадатковыя гандлёвыя месцы, аформленыя куткі першакласніка, куткі школьніка, каб зарыентаваць і мабілізаваць нашага пакупніка. Практычна ва ўсіх крамах рэспубліканскіх і рэгіянальных суб’ектаў гандлю маюцца секцыі з канцылярскімі таварамі для школьнікаў», — падрабязней расказала намеснік начальніка аддзела.

• Таксама па ўсёй краіне традыцыйна пройдуць школьныя кірмашы, кірмашы выхаднога дня, выставы-продажы. «Паводле аператыўных звестак нашых аблвыканкамаў і Мінскага гарвыканкама, сёлета плануецца 250 такіх мерапрыемстваў. Варта адзначыць, што за апошнія некалькі гадоў назіраецца тэндэнцыя да скарачэння кірмашоў у цэлым з прычыны глабальнай пераарыентацыі гандлю ў анлайн-фармат. Таму гандаль таварамі школьнага асартыменту арганізаваны ў нас таксама праз інтэрнэт-крамы і маркетплэйсы. Варта адзначыць, што на адным з афіцыйных беларускіх маркетплэйсаў Post Market таксама прадстаўлены вялікі выбар школьных тавараў айчынных вытворцаў, дзе можна сабраць дзіця да школы», — звярнула ўвагу Кацярына Макуцэня. 

У Мінску школьныя кірмашы будуць арганізаваны ў чатырох сталічных універмагах, а таксама ў гандлёвым цэнтры «Першы Нацыянальны гандлёвы дом». «Звяртаю ўвагу, што ў швейных майстэрнях універмагаў пакупнікам будзе прадастаўлена бясплатны рамонт (падгонка) школьнай формы. Гэта ўсё створана для зручнасці пакупнікоў», — падкрэсліла яна. 

З мэтай інфармавання пакупнікоў праводзіцца тэматычнае афармленне залаў, вітрын, размяшчаюцца адпаведныя шыльды, планшэты, паказальнікі. Інфармацыя аб наяўнасці ў продажы школьнага асартыменту і мерапрыемствах, што праводзяцца, трансліруецца па радыёвузлах, размяшчаецца на рэкламных стэндах, сайтах гандлёвых аб’ектаў. Дадзеная работа таксама актыўна праводзіцца і ў лічбавым асяроддзі.