Сярод самых частых праблем — адсутнасць інфармацыі аб цане і прадаўцу, пераліку абавязковых тавараў, даных аб уключэнні аб’екта ў гандлёвы рэестр. Таксама фіксаваліся парушэнні правілаў продажу і размяшчэння нікаціназмяшчальнай прадукцыі.

Па выніках праверак выдадзена 32 рэкамендацыі аб ліквідацыі парушэнняў. Акрамя таго, накіравана 18 патрабаванняў аб забароне рэалізацыі забароненых тавараў, а таксама прадукцыі з мінулым тэрмінам прыдатнасці або без неабходнай маркіроўкі.

Забароненыя тавары і «пратэрміноўка»: дзе выяўленыя парушэнні

На «Брэсцкім» рынку індывідуальныя прадпрымальнікі прапаноўвалі да продажу забароненыя тавары — шакаладныя яйкі «Kinder Joy», а таксама шакалад «Terravita» і «Kinder» польскай вытворчасці.

На гандлёвых месцах КТУП «Смаленскі рынак» у Віцебскай вобласці выяўленыя тавары са скончаным тэрмінам прыдатнасці — сродкі абароны раслін і таматы.

У Гомельскай вобласці на рынках «Давыдаўскі» і «Цэнтральны» прадаваліся рукала і кандытарскія вырабы без інфармацыі на рускай або беларускай мове.

На «Цэнтральным» рынку Гродзенскага аблспажыўтаварыства выяўлены забароненыя да рэалізацыі кандытарскія вырабы на суму звыш 1 тысячы рублёў.

Піратэхніка, касметыка і піва: парушэнні ў Мінскай вобласці і сталіцы

У гандлёвым комплексе «Экспабел» (Мінская вобласць) устаноўлены продаж піратэхнічных вырабаў, а таксама забароненых тавараў — касметычных сродкаў і піва.

На ТУП «Цэнтральны рынак г. Магілёва» спынена рэалізацыя пратэрмінаванай прадукцыі — чаю, соусаў і іншых тавараў.

На рынку ГД «Ждановічы» ў Мінску выяўлены продаж 24 найменняў забароненых касметычных сродкаў.

Матэрыялы накіраваныя ў выканкамы

Па выніках маніторынгу матэрыялы для прыняцця мер рэагавання накіраваны ў абласныя і Мінскі гарадскі выканаўчыя камітэты.