У Беларусі ўведзены часовыя абмежаванні нагрузак на восі транспартных сродкаў, самаходных машын пры праездзе па рэспубліканскіх аўтамабільных дарогах агульнага карыстання з асфальтабетонным пакрыццём, паведамляе БелТА.
Абмежаванні будуць дзейнічаць па 31 жніўня ў дзённы час сутак з 11.00 да 20.00 пры тэмпературы паветра больш за 25 градусаў.
Сезонныя абмежаванні ўводзяцца ў адпаведнасці з пастановай Мінтранса ад 26 красавіка № 36.
Дакумент змяшчае пералік выключэнняў, на якія для ўстойлівага функцыянавання транспартнай галіны гэтыя абмежаванні не распаўсюджваюцца, у ліку якіх — платныя дарогі агульнага карыстання (іх участкі).
