«У бягучым годзе наша краіна адзначае знакавую падзею — 80-ю гадавіну Перамогі савецкага народа ў Вялікай Айчыннай вайне. Генеральная пракуратура ўносіць важкі ўклад у захаванне гістарычнай памяці аб подзвігу нашых продкаў, у работу па процідзеянні экстрэмізму і нацызму. Вядзецца расследаванне крымінальнай справы аб генацыдзе беларускага народа. Выяўлены многія факты, якія паказваюць, што маштаб трагедыі ад зверстваў фашыстаў значна большы, чым можна было ўявіць», — адзначыў Ігар Сергяенка.

Факталагічныя матэрыялы, атрыманыя падчас расследаванняў крымінальнай справы, леглі ў аснову шэрагу падрыхтаваных Генеральнай пракуратурай інфармацыйных праектаў, выданняў і фільмаў, падкрэсліў спікер. «Гэтыя і іншыя матэрыялы выкарыстоўваюцца дэпутацкім корпусам пры правядзенні інфармацыйна-тлумачальных мерапрыемстваў, ідэалагічнай работы з выбаршчыкамі, у першую чаргу з моладдзю», — сказаў Ігар Сергяенка.

Перад парламентарыямі сёння выступіў генеральны пракурор Андрэй Швед з інфармацыяй аб выніках дзейнасці ў 2024 годзе.