Беларуская тэнісістка Аляксандра Сасновіч прабілася ў асноўную сетку турніру катэгорыі WTA-1000 у Дубаі з прызавым фондам $4 млн, паведамляе БелТА.
14 лютага у матчы другога кваліфікацыйнага раўнда беларуска, якая займае 114-е месца ў сусветным рэйтынгу, перамагла 50-ю ракетку планеты Санай Картал з Вялікабрытаніі — 6:4, 6:3. Паядынак доўжыўся 1 гадзіну 25 мінут.
13 лютага Аляксандра Сасновіч таксама ў дзвюх партыях перамагла харватку Петру Марцінка (69-ы нумар рэйтынгу WTA) — 6:4, 6:4.
Спаборніцтвы ў Дубаі завершацца роўна праз тыдзень — 21 лютага.
